PLANTVERBETERINGSWET, 1976

(WET 53 VAN 1976)

REGULASIES MET BETREKKING TOT ONDERNEMINGS,
VARIËTEITE, PLANTE EN VOORTPLANTINGSMATERIAAL

Die Minister van Landbou en Visserye het die volgende regulasies kragtens artikel 34, saamgelees met artikels 4, 7, 9, 12, 13, 16, 18, 20, 21, 22, 25, 26, 30 en 32, van die Plantverbeteringswet, 1976 (Wet 53 van 1976), uitgevaardig:-

INDELING VAN REGULASIES

Regulasie

Woordomskrywing ……………………………………………….......................................…. ..............1

Hoofstuk I: Registrasie van ondernemings ……………............................................................. 2 – 4

Hoofstuk II: Vereistes betreffende ondernemings ......……………………………........................... 5 – 8

Hoofstuk III: Aantekeninge wat by ondernemings gehou moet word .........……...........................9 – 15

Hoofstuk IV: Erkenning van variëteite ........................……………………………...................... 16 – 20

Hoofstuk VI: Vereistes betreffende plante en voortplantingsmateriaal uitgesonderd saad ............30 - 32

Hoofstuk VII: Houers van voortplantingsmateriaal ......…………………….................................. 33 – 34

Hoofstuk VIII: Merk en etikettering van plante en voortplantingsmateriaal ..…........................... 35 – 40

Hoofstuk X: Ondersoek en monsterneming van saad …..........................…...................……… 46 - 48

Hoofstuk XI: Ondersoek en monsterneming van plante en voortplantingsmateriaal 
uitgesonderd saad …………....................................................................................……...… 49 - 51

Hoofstuk XII: Algemeen ................……….................................................................………. 52 – 58

BYLAES

Bylae A: . . . . .

Bylae B: . . . . .

Bylae C: . . . . .

Bylae D: Verklaring betreffende plante en voortplantingsmateriaal wat ten opsigte van 'n variëteit ingedien word

Bylae E: . . . . .

Bylae F: . . . . .

Bylae G: Monsternemingsertifikaat ten opsigte van saad

Bylae H: Verslag van toets, ondersoek of ontleding van saad

Bylae I: Monsternemingsertifikaat ten opsigte van plante en ander voortplantingsmateriaal as saad

Bylae J: Verslag van toets, ondersoek of ontleding van plante en ander voortplantingsmateriaal as saad

Bylae K: Aansoek om 'n sertifikaat ten opsigte van besonderhede/afskrif van 'n dokument

Bylae L: Verklaring betreffende plante en voortplantingsmateriaal ingevoer vir onmiddellike uitvoer of vir ander doeleindes as verbouing

Bylae M: . . . . .

TABELLE

Tabel 1: Gelde betaalbaar

Tabel 2: Bepalings betreffende die erkenning van variëteite

Tabel 3: Besonderhede betreffende variëteite wat gepubliseer moet word

Tabel 4: Bepalings betreffende saad en saadmonsters

Tabel 5: Plekke van binnekoms en adresse vir indiening van verklarings

Tabel 6: Verbode onkruidsaad

Tabel 7: Verbode insekte

Tabel 8: Variëteite ten opsigte waarvan sertifisering vereis word

WOORDOMSKRYWING

1. Tensy uit die samehang anders blyk, het woorde en uitdrukkings in hierdie regulasies dieselfde betekenis as deur die Wet daaraan toegeken, en beteken -

"ander materiaal" -

"ander saad" -

(i) in die geval van saad van 'n besondere soort, alle saad, ongeag of dit van 'n soort is waarop die Wet van toepassing is, wat daarin teenwoordig is en visueel onderskeibaar is van saad van die betrokke soort; en

(ii) in die geval van 'n mengsel, alle saad, ongeag of dit van 'n soort is waarop die Wet van toepassing is, wat daarin teenwoordig is en visueel onderskeibaar is van saad van die soorte wat op houers van daardie mengsel of op etikette wat aan die betrokke houers geheg is, aangedui is as soorte waaruit daardie mengsel bestaan;

"die Wet" die Plantverbeteringswet, 1976 (Wet 53 van 1976);

"houer" -

(i) in die geval van 'n plant, die houer waarin daardie plant groei of verpak is; en

(ii) in die geval van voortplantingsmateriaal, die houer waarin daardie voortplantingsmateriaal verpak is, maar nie ook 'n skeepsvraghouer waarin daardie voortplantingsmateriaal ingevoer word nie;

"insek" enige ongewerwelde lid van die diereryk, ongeag die stadium van sy ontwikkeling;

"landboumiddel" 'n landboumiddel wat ingevolge die Wet op Misstowwe, Veevoedsel, Landboumiddels en Veemiddels, 1947 (Wet 36 van 1947), geregistreer is;

"lot" 'n hoeveelheid plante of voortplantingsmateriaal waarvan die eienskappe homogeen is in die mate deur die Wet en hierdie regulasies en, indien van toepassing, die betrokke skema, vereis word;

"lotnommer" die kodenommer wat iemand vir doeleindes van identifikasie aan 'n besondere lot plante of voortplantingsmateriaal toegewys het, en wat verskil van die lotnommer wat deur hom aan enige ander lot plante of voortplantingsmateriaal toegewys is;

"mengsel", met betrekking tot saad, 'n lot wat uit saad van verskillende soorte of variëteite plante bestaan wat, met die oog op die bruikbaarheid daarvan vir landboudoeleindes, verkry is deur sodanige voortplantingsmateriaal in 'n besondere verhouding te vermeng, maar nie ook 'n grasperkmengsel nie;

"omhulde saad", saad wat met die een of ander stof omhul is ten einde plant of vestiging te vergemaklik;

"onaktiewe stof", met betrekking tot saad, alle materiaal uitgesonderd ander saad en suiwer saad wat daarin teenwoordig is;

"onkruidsaad" saad van 'n soort plant wat nie vir verbouing in die Republiek aangewend word nie;

"plek van binnekoms" 'n plek waardeur plante en voortplantingsmateriaal ingevolge artikel 26 van die Wet in die Republiek ingevoer mag word;

"saad" saad wat voortplantingsmateriaal is;

"soorteg" met betrekking tot 'n plant van 'n bepaalde soort, dat dit ooreenstem met die beskrywing van 'n plant van die betrokke soort;

"suiwer eenhede omhulde saad", met betrekking tot omhulde saad - onbeskadigde eenhede, eenhede met ooglopende barste of krake en beskadigde eenhede wat groter as die helfte van die oorspronklike grootte is, ongeag of sodanige eenhede enige saad bevat;

"suiwer korrels" . . . . .

"suiwer saad", met betrekking tot saad van 'n besondere soort, alle heel sade van daardie soort en gedeeltes daarvan wat groter as die helfte van die oorspronklike groottte is;

"variëteitseg", met betrekking tot -

(i) saad van 'n bepaalde variëteit, dat alle plante wat van die betrokke saad verbou word, ooreenstem met die beskrywing van 'n plant van die betrokke variëteit en duidelik onderskeibaar is van 'n ander variëteit van dieselfde soort plant; en

(ii) plante en voortplantingsmateriaal anders as saad, van 'n bepaalde variëteit, dat alle plante ooreenstem met 'n beskrywing van 'n plant van die betrokke variëteit en duidelik onderskeibaar is van 'n ander variëteit van dieselfde soort plant;

"verbode onkruidsaad" saad van die soorte plante in Tabel 6 hiervan aangedui; en

"verkorrelde saad", . . . . .

"visueel vry", met betrekking tot die voorkoms van 'n insek of 'n patogeen op 'n plant, dat -

(i) die registrateur nie in staat is om die voorkoms van 'n insek of 'n patogeen op 'n plant visueel waar te neem nie, tensy hy van 'n mikroskoop of 'n vergrootglas gebruik maak; of

(ii) die registrateur die kenmerkende simptome wat deur 'n insek of 'n patogeen veroorsaak word, visueel op 'n plant waargeneem het sonder om van 'n mikroskoop of vergrootglas gebruik te maak, maar 'n toets, ondersoek of ontleding van dié plant in 'n laboratorium nie die voorkoms van so 'n insek of patogeen op daardie plant openbaar het nie.

REGISTRASIE VAN ONDERNEMINGS

2.(1) 'n Aansoek om die registrasie van 'n perseel ten opsigte van 'n besigheid moet op die vorm gedoen word wat vir die doel van die Registrateur verkrygbaar is.

(2) 'n Afsonderlike aansoek moet aldus ten opsigte van elke afsonderlike perseel ingedien word, en elke sodanige aansoek moet -

(a) vergesel gaan van 'n lokaliteitskaart wat duidelik aantoon waar die betrokke perseel geleë is; en

(b) vergesel gaan van die aansoekgeld in item 2(a) van Tabel 1 aangedui.

3.(1) 'n Aansoek om die hernuwing van 'n registrasie moet op die vorm gedoen word wat vir die doel van die Registrateur verkrygbaar is.

(2) So 'n vorm moet vergesel gaan van die hernuwingsgeld in item 2(b) van Tabel 1.

(3). . . . .

4. Die sertifikaat van registrasie of nuwe sertifikaat van registrasie wat ingevolge artikel 7(3) of 9(4) van die Wet, na gelang van die geval, uitgereik is, moet aan die registrateur teruggestuur word binne 30 dae na die datum waarop -

(a) 'n kennisgewing in verband met die beëindiging van die registrasie van die betrokke onderneming ingevolge artikel 11 van die Wet uitgereik is; of

(b) die registrasie van die betrokke onderneming ingevolge artikel 12(2) van die Wet verval het.

 

VEREISTES BETREFFENDE ONDERNEMINGS

5.(1) 'n Perseel waarop die besigheid van 'n kwekery voortgesit word, kan as 'n onderneming geregistreer en die registrasie daarvan hiernieu word indien -

(2) . . . . .

(3) Ondanks die bepalings van subregulasie (1) word 'n perseel in daardie subregulasie bedoel, waar vegetatiewe materiaal vir verkoop gekweek word of verkoop word, of aangewend word vir die kweek van plante van die soorte in subregulasies (2), (3) en (4) van regulasie 31 vermeld, as 'n onderneming geregistreer slegs indien daardie vegetatiewe materiaal van plante verkry is wat gedurende die aktiewe groei daarvan deur die registrateur ondersoek is.

6. 'n Perseel waarop die besigheid van die skoonmaak van voortplantingsmateriaal vir verkoop voortgesit word, kan as 'n onderneming geregistreer en die registrasie daarvan hernieu word indien -

(a) die plek waar saad op die betrokke perseel opgeberg en skoongemaak word -

(i) 'n soliede vloer het;

(ii) doeltreffende beligting het sodat enige merke, drukwerk of skryfwerk op houers van saad of op etikette wat aan daardie houers geheg is, geredelik gelees kan word;

(iii) doeltreffende ventilasie het sodat oormatige vogtigheid en hoë temperature wat die saad kan benadeel, voorkom word; en

(iv) te alle tye ordelik, sindelik en skoon gehou word;

(b) die beskikbare fasiliteite by die betrokke perseel voldoende en doeltreffend is ten einde die bevredigende skoonmaak van die soorte en variëteite saad wat normaalweg daar hanteer word, te verseker;

(c) saad op so 'n wyse by die betrokke perseel hanteer en opgeberg word dat -

(i) dit teen beskadiging deur insekte en knaagdiere beskerm word;

(ii) skoongemaakte saad afsonderlik van onskoongemaakte saad, afval en enigiets anders gehou word deur dit in verskillende pakkamers op te berg of deur dit deur middel van soliede afskortings, of deur middel van ruimtes van minstens een meter wyd te skei;

(iii) toegang tot elke lot saad geredelik verkry kan word; en

(iv) bymenging van saad van verskillende soorte plante voorkom word, behalwe indien dit gedoen word ten einde 'n mengsel saam te stel of om 'n bestuiwer by te voeg;

(d) daar op die houers van onskoongemaakte saad by daardie onderneming, of op etikette wat aan die betrokke houers geheg is, gemerk, gedruk of geskryf is -

(i) die woorde "onskoongemaakte saad" of "uncleansed seed";

(ii) die soort en variëteit van die betrokke saad; en

(iii) die naam en adres van die persoon van wie die betrokke saad ontvang is; en

(e) die toepaslike besonderhede wat ingevolge hierdie regulasies vereis word, op houers van skoongemaakte saad, of op etikette wat aan die betrokke houers geheg is, gemerk, gedruk of geskryf is.

 

7. 'n Perseel waarop die besigheid van die voorafverpakking van voortplantingsmateriaal vir verkoop voortgesit word, kan as 'n onderneming geregistreer en die registrasie daarvan hernieu word indien -

(a) die plek waar voortplantingsmateriaal op die betrokke perseel opgeberg en voorafverpak word -

(i) 'n soliede vloer het;

(ii) doeltreffende beligting het sodat enige merke, drukwerk of skryfwerk op houers van voortplantingsmateriaal of op etikette wat aan daardie voortplantingsmateriaal of houers geheg is, geredelik gelees kan word;

(iii) doeltreffende ventilasie het sodat oormatige vogtigheid en hoë temperature wat die voortplantingsmateriaal kan benadeel, voorkom word; en

(iv) te alle tye ordelik, sindelik en skoon gehou word;

(b) die beskikbare fasiliteite by die betrokke perseel voldoende en doeltreffend is ten einde die bevredigende voorafverpakking van die soorte en variëteite voortplantingsmateriaal wat normaalweg daar hanteer word, te verseker;

(c) voortplantingsmateriaal op so 'n wyse by die betrokke perseel hanteer en opgeberg word dat -

(i) dit teen beskadiging deur insekte en knaagdiere beskerm word;

(ii) dit afsonderlik van enigiets anders gehou word deur dit in verskillende pakkamers op te berg, of deur dit deur middel van soliede afskortings, of deur middel van ruimtes van minstens een meter wyd, te skei;

(iii) toegang tot elke lot voortplantingsmateriaal geredelik verkry kan word; en

(iv) bymenging van voortplantingsmateriaal van verskillende soorte plante voorkom word, behalwe indien dit gedoen word ten einde 'n mengsel saam te stel of, in die geval van saad, om 'n bestuiwer by te voeg; en

(d) die toepaslike besonderhede wat ingevolge hierdie regulasies vereis word, op houers van voortplantingsmateriaal of op etikette wat aan daardie voortplantingsmateriaal of houers geheg is, gemerk, gedruk of geskryf is.

 

8. 'n Perseel waarop die besigheid van die verkoop van voortplantingsmateriaal voortgesit word kan as 'n onderneming geregistreer en die registrasie daarvan hernieu word indien -

(a) die plek waar voortplantingsmateriaal op die betrokke perseel opgeberg en verkoop word -

(i) 'n soliede vloer het;

(ii) doeltreffende beligting het sodat enige merke, drukwerk of skryfwerk op houers van voortplantingsmateriaal of op etikette wat aan daardie houers geheg is, geredelik gelees kan word;

(iii) doeltreffende ventilasie het sodat oormatige vogtigheid en hoë temperature wat die voortplantingsmateriaal kan benadeel, voorkom word; en

(iv) te alle tye ordelik, sindelik en skoon gehou word;

(b) voortplantingsmateriaal op so 'n wyse by die betrokke perseel hanteer en opgeberg word dat -

(i) dit teen beskadiging deur insekte en knaagdiere beskerm word;

(ii) dit afsonderlik van enigiets anders gehou word deur dit in verskillende pakkamers op te berg, of dit deur middel van soliede afskortings, of deur middel van ruimtes van minstens een meter wyd, te skei;

(iii) toegang tot elke lot voortplantingsmateriaal geredelik verkry kan word; en

(iv) bymenging van voortplantingsmateriaal van verskillende soorte plante voorkom word, behalwe indien dit gedoen word ten einde 'n mengsel saam te stel of, in die geval van saad, om 'n bestuiwer by te voeg; en

(c) die toepaslike besonderhede wat ingevolge hierdie regulasies vereis word, op houers van voortplantingsmateriaal of op etikette wat aan daardie voortplantingsmateriaal of houers geheg is, gemerk, gedruk of geskryf is.

 

8A.(1) 'n Perseel waarop die besigheid van 'n toetslaboratorium voortgesit word, kan as 'n onderneming geregistreer en die registrasie daarvan hernieu word indien -

(a) die plek waar monsters van plante en voortplantingsmateriaal op die betrokke perseel opgeberg, getoets, ondersoek of ontleed word -

(i) 'n soliede vloer het;

(ii) doeltreffende beligting het sodat enige merke, drukwerk of skryfwerk op houers van monsters of op etikette wat aan daardie monsters geheg is,

geredelik gelees kan word, en dat waarnemings met betrekking tot die betrokke toetse, ondersoeke of ontledings geredelik gemaak kan word; en

(iii) te alle tye ordelik, sindelik en skoon gehou word; en

(b) die beskikbare fasiliteite by die betrokke perseel voldoende en doeltreffend is ten einde te verseker dat die toetse, ondersoeke en ontledings in subregulasie (2) bedoel, van monsters van die soorte plante en voortplantingsmateriaal in daardie subregulasie bedoel, behoorlik uitgevoer kan word.

(2) Die toets, ondersoek of ontleding van monsters van plante en voortplantingsmateriaal by 'n toetslaboratorium wat as 'n onderneming geregistreer is -

(a) is beperk tot monsters van daardie soorte plante en voortplantingsmateriaal, en tot daardie soorte ondersoeke, toetse en ontledings wat in die sertifikaat van registrasie ten opsigte daarvan vermeld word; en

(b) moet volgens die metode wat die registrateur bepaal, uitgevoer word.

(3) Die registrateur kan vereis dat die eienaar of okkupant van 'n toetslaboratorium wat as 'n onderneming geregistreer is, kontroletoetse ooreenkomstig die opdragte wat die registrateur uitreik, met monsters van plante en voortplantingsmateriaal uitvoer.

(4) Die eienaar of okkupant van 'n toetslaboratorium wat as 'n onderneming geregistreer is, moet 'n verslag wat aan die vereistes in regulasie 12A(1) bedoel, voldoen, in verband met die toets, ondersoek of ontleding van elke monster uitreik aan die persoon deur wie daardie monster ingedien is.

(5) Die eienaar of okkupant van 'n toetslaboratorium wat as 'n onderneming geregistreer is, moet 'n hoeveelheid van elke monster wat aldaar getoets, ondersoek of ontleed is wat voldoende is ten einde daardie toets, ondersoek of ontleding te herhaal -

(a) in die geval van plante, knolle of bolle vir 'n tydperk van minstens drie maande nadat die betrokke toets, ondersoek of ontleding voltooi is, by daardie besigheid bewaar onder toestande waarin die betrokke monster nie deur enige organismes vernietig of aangetas sal word nie; en

(b) in die geval van saad vir 'n tydperk van minstens 12 maande nadat die betrokke toets, ondersoek of ontleding voltooi is, by daardie besigheid bewaar onder toestande waarin die betrokke saad die vermoë om te ontkiem, sal behou.

(6) Die eienaar of okkupant van 'n toetslaboratorium vir saad wat as 'n onderneming geregistreer is, moet -

(i) 'n saadanalis wat oor die nodige kwalifikasies, soos deur die Registrateur bepaal, as verantwoordelike beampte van die toetslaboratorium in diens hê; en

(ii) die Registrateur onverwyld in kennis stel sodra die dienste van sodanige analis nie langer beskikbaar is nie.

AANTEKENINGE WAT BY ONDERNEMINGS GEHOU MOET WORD

9. Die eienaar of okkupant van 'n onderneming waar die besigheid van 'n kwekery voortgesit word, moet ten opsigte van elke lot plante wat vir verkoop gekweek is, volledige aantekeninge hou van -

10. Die eienaar of okkupant van 'n onderneming waar die besigheid van die skoonmaak van voortplantingsmateriaal vir verkoop voortgesit word, moet ten opsigte van alle saad wat daar hanteer word, volledige aantekeninge hou van –

(a) die datum waarop die betrokke saad ontvang is;

(b) die soort en variëteit van die betrokke saad;

(c) die naam en adres van die persoon van wie die betrokke saad ontvang is;

(d) die totale massa van die betrokke saad en die getal houers waarin dit bevat is;

(e) die totale massa van die skoongemaakte saad en die getal houers waarin dit bevat is;

(f) die lotnommer van die skoongemaakte saad, en indien daardie saad na skoonmaak gesertifiseer is, ook die nommer van die sertifikaat wat ten opsigte daarvan uitgereik is;

(g) die name en adresse van die persone aan wie die skoongemaakte saad gelewer is;

(h) die massa skoongemaakte saad wat aan elke sodanige persoon gelewer is; en

(i) die datums waarop die skoongemaakte saad aldus gelewer is.

11. Die eienaar of okkupant van 'n onderneming waar die besigheid van die voorafverpakking van voortplantingsmateriaal vir verkoop voortgesit word, moet ten opsigte van elke lot voortplantingsmateriaal wat daar hanteer word, volledige aantekeninge hou van -

(a) die datum waarop die betrokke lot ontvang is;

(b) die soort en variëteit van die voortplantingsmateriaal in die betrokke lot: Met dien verstande dat in die geval van 'n mengsel, die name van die soorte en variëteite daarin teenwoordig, asook die persentasie-inhoud van elk, aangeteken moet word;

(c) die naam en adres van die persoon van wie die betrokke lot ontvang is;

(d) die totale massa of getal eenhede vandie voortplantingsmateriaal in die betrokke lot;

(e) die lotnommer van die betrokke lot;

(f) die nommer van die sertifikaat wat ten opsigte van die voortplantingsmateriaal in die betrokke lot uitgereik is indien daardie voortplantingsmateriaal gesertifiseer is; en

(g) die datum waarop die voorafverpakking van die betrokke lot voltooi is.

12. Die eienaar of okkupant van 'n onderneming waar die besigheid van die verkoop van voortplantingsmateriaal voortgesit word, moet ten opsigte van elke lot voortplantingsmateriaal, uitgesonderd voorafverpakte voortplantingsmateriaal, wat daar hanteer word, volledige aantekeninge hou van -

(a) die datum waarop die betrokke lot ontvang is;

(b) die soort en variëteit van die voortplantingsmateriaal in die betrokke lot: Met dien verstande dat in die geval van 'n mengsel, die name van die soorte en variëteite daarin teenwoordig, asook die persentasie-inhoud van elkeen, aangeteken moet word;

(c) die naam en adres van die persoon van wie die betrokke lot ontvang is;

(d) die totale massa of getal eenhede van die voortplantingsmateriaal in die betrokke lot en die getal houers waarin dit verpak is;

(e) die lotnommer van die betrokke lot;

(f) die nommer van die sertifikaat wat ten opsigte van die voortplantingsmateriaal in die betrokke lot uitgereik is indien daardie voortplantingsmateriaal gesertifiseer is; en

(g) die datum waarop die betrokke lot uitverkoop is.

12A.(1) Die eienaar of okkupant van 'n onderneming waar die besigheid van 'n toetslaboratorium voortgesit word, moet ten opsigte van elke monster van plante en voortplantingsmateriaal wat aldaar hanteer word, 'n verslag opstel wat minstens die volgende besonderhede bevat:

(2) So 'n eienaar of okkupant moet 'n afskrif van elke sodanige verslag hou.

13. Ondanks die bepalings van regulasies 10, 11 en 12, kan die aantekeninge wat ingevolge daardie regulasies ten opsigte van 'n lot voortplantingsmateriaal gehou moet word, vir sover die aard daarvan dit toelaat, gesamentlik gehou word indien daardie lot deur afsonderlike besighede wat op dieselfde perseel geleë is, hanteer word.

14. Aantekeninge gehou ingevolge hierdie regulasies moet by die perseel van die betrokke onderneming, of sodanige ander plek as wat die registrateur op aansoek goedkeur, bewaar word tot minstens drie jaar na die datum waarop die betrokke lot verwyder, gelewer, voorafverpak of uitverkoop is of die betrokke monster getoets, ondersoek of ontleed is, na gelang van die geval.

15. Die eienaar of okkupant van 'n onderneming moet binne 30 dae na die datum waarop die registrateur hom skriftelik aldus versoek het, 'n skriftelike opgawe aan die registrateur verstrek waarin aangedui word -

(a) die verlangde besonderhede betreffende die inhoud van enige aantekeninge wat hy ingevolge hierdie regulasies hou; en

(b) die hoeveelheid of massa plante of voortplantingsmateriaal, na gelang van die geval, van aangeduide soorte en variëteite wat hy in voorraad het of wat gedurende 'n bepaalde tydperk verkoop is.

 

 

ERKENNING VAN VARIËTEITE

16.(1) 'n Aansoek om die erkenning van 'n variëteit van 'n soort plant in kolom 1 van Tabel 2 aangedui, vir aantekening in die variëteitslys moet -

(a) op die vorm wat vir die doel by die Registrateur verkrygbaar is, ingedien word; en

(b) vergesel gaan van die aansoekgeld in item 3(a) van Tabel 1 aangedui.

(2) Indien die registrateur 'n benaming ten opsigte van die betrokke variëteit ingevolge artikel 17(3) van die Wet voorgestel, as ongeskik beskou, moet 'n vertaling daarvan of 'n ander geskikte benaming deur die betrokke applikant voorgelê word binne twee maande na die datum waarop die registrateur hom skriftelik aldus gelas het.

17.(1) Die ondersoekgeld wat ingevolge artikel 18(3) van die Wet betaalbaar is vir die doeleindes van toetse en proewe wat die registrateur met 'n variëteit van 'n soort plant in kolom 1 van Tabel 2 aangedui onderneem, is soos in item 3(b) van Tabel 1 aangedui: Met dien verstande dat indien 'n aansoek om die toestaan van 'n planttelersreg ingevolge die Wet op Planttelersregte, 1976 (Wet 15 van 1976), en 'n aansoek in regulasie 16 vermeld, met betrekking tot dieselfde variëteit gelyktydig ingedien word, en die toepaslike gelde ingevolge voormelde Wet betaal is, sodanige ondersoekgeld R1 is.

(2) Die koste wat ingevolge artikel 18(4) van die Wet betaalbaar is, word bereken teen die wisselkoers tussen die geldeenhede van die Republiek en die betrokke land op die datum waarop betaling aan die betrokke toepaslike gesag gemaak is.

(3) Die plante en voortplantingsmateriaal wat ingevolge artikel 18(3) van die Wet voorsien moet word vir die doeleindes van toetse en proewe met 'n variëteit van 'n soort plant in kolom 1 van Tabel 2 aangedui, moet -

18. Indien 'n aansoek om die erkenning van 'n variëteit van 'n bepaalde soort plant voor die aanvang van 'n bepaalde erkende groeiseisoen vir daardie variëteit ingedien is, begin die toetse en proewe met so 'n variëteit ingevolge artikel 18 van die Wet slegs gedurende daardie groeiseisoen indien die toepaslike ondersoekgeld, plante en voortplantingsmateriaal in regulasie 17 bedoel, onderskeidelik betaal en voorsien is voor of op die datum wat die registrateur vir die betrokke soort plant bepaal het.

19.(1) Die tydperk wat ingevolge aritkel 20(2)(c)(iii) van die Wet vereis word vir die erkenning van 'n variëteit van 'n soort plant in kolom 1 van Tabel 2 aangedui, wat ook ingevolge artikel 22 van die Wet geëvalueer word, is soos in kolom 3 van vermelde tabel teenoor die naam van die betrokke soort aangedui.

(2) Die besonderhede in paragraaf 1 van Tabel 3 aangedui aangaande die erkenning van 'n variëteit moet ingevolge artikel 20(3) van die Wet gepubliseer word.

19A. Die toepaslike besonderhede in paragraaf 3 van Tabel 3 van die Regulasies aangaande die variëteite wat in die variëteitslys ingesluit is, moet ingevolge aritkel 15(6) van die Wet gepubliseer word.

20. Die toepaslike besonderhede in paragraaf 2 van Tabel 3 aangedui, aangaande wysigings aan, aanvullings tot of skrappings uit die variëteitslys moet ingevolge artikel 21(3) van die Wet gepubliseer word.

20A. Behoudens die bepalings van regulasie 20, moet 'n aansoek om die wysiging of aanvulling van die benaming wat goedgekeur is vir 'n variëteit, vergesel gaan van die geld in paragraaf 3(c) van Tabel 1 van die Regulasies aangedui.

VEREISTES BETREFFENDE SAAD

21. Die massa van 'n lot saad van 'n soort plant in kolom 1 van Tabel 2 aangedui, mag nie die massa in kolom 12 van voormelde Tabel teenoor die naam van die betrokke soort aangedui, oorskry nie.

22. Behoudens die bepalings van regulasie 24, mag saad van 'n soort plant in kolom 1 van Tabel 4 aangedui, wat nie gesertifiseer of voorafverpak is nie, sonder 'n magtiging in artikel 13 van die Wet bedoel, verkoop word indien -

23. Saad wat 'n mengsel van saad van verskillende soorte plante of van variëteite van sodanige soorte is, wat nie gesertifiseer is nie, mag sonder 'n magtiging in artikel 13 van die Wet bedoel, verkoop word indien -

24. Voortplantingsmateriaal van 'n soort plant in kolom 1 van Tabel 8 aangedui, wat van 'n variëteit in kolom 2 van gemelde Tabel daarteenoor aangedui is, mag vanaf die datum in kolom 3 van gemelde tabel daarteenoor aangedui, slegs sonder 'n magtiging in artikel 13 van die Wet bedoel, verkoop word indien daardie voortplantingsmateriaal ingevolge 'n Sertifiseringskema ingestel by artikel 23 van die Wet gesertifiseer is.

25. Behoudens die bepalings van regulasie 24, kan voorafverpakte saad van 'n soort plant in kolom 1 van Tabel 4 aangedui, sonder 'n magtiging in artikel 13 van die Wet bedoel, verkoop word, indien -

(c) daardie saad, of in die geval van 'n mengsel, die saad in elkeen van die variëteite daarin teenwoordig, variëteitseg is;

(d) geen verbode onkruidsaad in daardie saad teenwoordig is; en

(e) daardie saad homogeen is.

 

26.(1) Saad wat gesertifiseer is, mag sonder 'n magtiging in artikel 13 van die Wet bedoel, verkoop word met 'n aanduiding of dit aldus gesertifiseer is indien -

(a) daardie saad aan die vereistes wat in die betrokke skema daarvoor bepaal is, voldoen; en

(b) die verkoper van daardie saad in besit is van skriftelike bewys ter bevestiging van die feit dat daardie saad aldus gesertifiseer is.

(2) Indien die bepalings van subregulasie (1) nie ten opsigte van saad wat gesertifiseer is, nagekom kan word nie, mag daardie saad sonder 'n magtiging in artikel 13 van die Wet bedoel, verkoop word slegs indien -

(a) dit aan die toepaslike bepalings in regulasie 22 of 25 vermeld, na gelang van die geval, voldoen; en

(b) geen melding van enige saad voor, tydens of na die verkoping van daardie saad gemaak word van die feit dat dit sertifisering aangebied is of aldus gesertifiseer is nie.

 

27. Die maksimum massa saad van 'n soort plant in kolom 1 van Tabel 4 aangedui, wat per houer voorafverpak mag word, mag, met inagneming van die bepalings van die Wet op Handelsmetrologie, 1973 (Wet No. 77 van 1973), nie die massa in kolom 8 van die voormelde Tabel teenoor die betrokke soort aangedui, oorskry nie.

28. . . . . .

29.(1) Die ontkiemings- of lewenskragtigheidspersentasiegroepe wat ingevolge regulasie 36(1)(d) op 'n houer of etiket aan 'n houer aangedui moet word, word as korrek aanvaar indien -

(a) die werklike persentasie ontkieming of lewenskragtigheid wat gebruik is om die betrokke groepe te bepaal; en

(b) die persentasie ontkieming of lewenskragtigheid van die betrokke saad, soos deur 'n toets, ondersoek of ontleding ingevolge artikel 25(2)(d) van die Wet bepaal,

by 'n vergelyking daarvan, die toleransie, wat van 'n toepaslike toets, ondersoek of ontleding voorsien is, nie oorskry word nie.

(2) Die toleransiereël, soos in subregulasie (1) bedoel, sal slegs toegepas word indien die werklike persentasie ontkieming of lewenskragtigheid in subregulasie 1(a) bedoel, verkry is van 'n toetsverslag wat ooreenkomstig die bepalings van regulasie 12A(1) opgestel is en sodanige toetsverslag ter insae aan die registrateur, 'n beampte of gemagtigde persoon, beskikbaar gestel is.

VEREISTES BETREFFENDE PLANTE EN VOORTPLANTINGSMATERIAAL

UITGESONDERD SAAD

30. . . . . .

31.(1) Behoudens die bepalings van subregulasies (2), (3) en (4) mag 'n plant wat nie gesertifiseer is nie, sonder 'n magtiging in artikel 13 van die Wet bedoel, verkoop word indien -

(2) 'n Plant van Citrus spp., Fortunella spp., Poncirus spp. en enige kruising van sodanige plante, wat nie gesertifiseer is nie, mag sonder 'n magtiging in artikel 13 van die Wet bedoel, verkoop word indien -

(e) in die geval van enige kwekeryplant –

(i) die stam van sodanige plant reguit is;

(ii) sodanige plant nie aan basafskilfering of enige ander abnormaliteit onderhewig is nie; en

(iii) indien sodanige plant teruggesny is, dit nie korter as 500 mm is nie:

Met dien verstande dat hierdie subregulasie nie op sierplante van Citrus spp., Fortunella spp., Poncirus spp. of enige kruising van sodanige plante van toepassing van toepassing is nie.

(3) 'n Plant van Malus spp., Prunus armeniaca L., Prunus avium L., Prunus cerasus L., Prunus domestica L., Prunus persica Batsch, Prunus salinica Lindl of Pyrus communis L. wat nie gesertifiseer is nie, mag sonder 'n magtiging in artikel 13 van die Wet bedoel, verkoop word indien -

Met dien verstande dat hierdie subregulasie nie op sierplante van Malus spp., Prunus spp. en Pyrus spp. van toepassing is nie.

(4) 'n Plant van Vitis spp. wat nie gesertifiseer is nie, mag sonder 'n magtiging in artikel 13 van die Wet bedoel, verkoop word indien -

(a) in die geval van 'n bostokentloot -

(i) daardie loot nie van 'n plant jonger as twee jaar afkomstig is nie;

(ii) die ogies van daardie loot vir entdoeleindes rustend is en geen tekens van bot of swel toon nie;

(iii) daardie loot oor die hele lengte daarvan goed ryp is; en

(iv) die deursnee tussen die nodusse oor die hele lengte van daardie loot tussen 6 mm en 12 mm is;

(b) in die geval van 'n bostokplantloot -

(i) daardie loot nie van 'n plant jonger as twee jaar afkomstig is nie;

(ii) die ogies van daardie loot rustend is en geen tekens van bot of swel toon nie;

(iii) daardie loot minstens 300 mm lank is;

(iv) daardie loot oor die hele lengte daarvan goed ryp is;

(v) daardie loot geen ankers of sylote het nie;

(vi) daardie loot so reguit is dat dit in sy lengte tussen twee parallelle reguit lyne wat 300 mm uitmekaar is, pas; en

(vii) die deursnee van daardie loot tussen die boonste twee ogies nie minder as 4 mm is nie;

(c) in die geval van 'n onderstokentloot -

(i) daardie loot nie van 'n plant jonger as twee jaar afkomstig is nie;

(ii) daardie loot oor die hele lengte daarvan goed ryp is;

(iii) 'n nodus op die basis van daardie loot voorkom;

(iv) die lengte van daardie loot tussen 260 mm en 280 mm is;

(v) die deursnee tussen nodusse oor die hele lengte van daardie loot tussen 6 mm en 12 mm is;

(vi) daardie loot geen ankers of sylote het nie; en

(vii) daardie loot so reguit is dat dit in sy lengte tussen twee parallelle reguit lyne wat 30 mm uitmekaar is, pas;

(d) in die geval van 'n onderstokplantloot -

(i) daardie loot nie van 'n plant jonger as twee jaar afkomstig is nie;

(ii) daardie loot oor die hele lengte daarvan goed ryp is;

(iii) daardie loot minstens 300 mm lank is;

(iv) die deursnee van daardie loot tussen die boonste twee ogies nie minder as 4 mm is nie;

(v) daardie loot geen ankers en sylote het nie; en

(vi) daardie loot so reguit is dat dit in sy lengte tussen twee parallelle reguit lyne wat 30 mm uitmekaar is, pas;

(e) in die geval van 'n gewortelde onderstokplant -

(i) daardie plant minstens een ryp loot met 'n minimum lengte van 150 mm elk het; of minstens twee ryp lote met 'n minimum lengte van 100 mm elk het;

(ii) die tweejarige gedeelte van die plant minstens 250 mm lank is;

(iii) minstens twee sterk ontwikkelde wortels aan die basis van daardie plant voorkom;

(iv) geen dooie gedeeltes aan daardie plant voorkom nie; en

(v) die wortels van daardie plant nie tot korter as 100 mm teruggesny is nie;

(f) in die geval van 'n gewortelde onderstokplant in 'n houer, uitgesonderd 'n plant wat van 'n eenoogsteggie gekweek is, daardie plant -

(i) 'n stam het wat minstens twee jaar oud en 200 mm lank is, met 'n internodiumdeursnee van minstens 5 mm;

(ii) minstens een goed afgeharde een jaar oue loot het met 'n minimum lengte van 150 mm, wat, wanneer dit in 'n rustoestand is, oor minstens twee-derdes van die lengte daarvan goed ryp is; en

(iii) minstens twee sterk ontwikkelde wortels aan die basis daarvan het;

(g) in die geval van 'n gewortelde onderstokplant wat van 'n eenoogsteggie gekweek en in 'n houer gevestig is -

(i) daardie plant minstens een loot met 'n minimum lengte van 100 mm het wat, wanneer dit in 'n rustoestand is, oor minstens twee-derdes van die lengte daarvan goed ryp is; en

(ii) minstens twee goed ontwikkelde wortels aan die basis van daardie plant voorkom;

(h) in die geval van 'n gewortelde geënte plant wat nie in 'n houer gevestig is nie -

(i) die deursnee van die bostok van daardie plant nie meer as 3 mm dikker of meer as 3 mm dunner as die onderstok is nie;

(ii) minstens twee goed ontwikkelde wortels aan die basis van daardie plant voorkom;

(iii) geen tekens van die verwydering van wortels dikker as 2 mm in deursnee van die bostok van daardie plant sigbaar is nie;

(iv) geen lewende oë op die onderstok van daardie plant voorkom nie;

(v) daardie plant minstens een ryp loot het met 'n minimum lengte van 100 mm wanneer dit van die variëteit Barlinka of Hanepoot is en 150 mm wanneer dit van 'n ander variëteit is;

(vi) die onderstok van daardie plant minstens 200 mm lank is; en

(vii) geen dooie gedeeltes aan daardie plant voorkom nie; en

(i) in die geval van 'n geënte plant in 'n houer -

(i) die sy-entlas van daardie plant minstens aan die onderste driekwart van daardie las stewig vasgekallus is;

(ii) die kopentlas van daardie plant rondom stewig vasgekallus is;

(iii) die deursnee van die bostok van daardie plant nie meer as 2 mm dikker of meer as 3 mm dunner as die onderstok is nie;

(iv) die lengte van enige onderstokstam wat van rustende hout afkomstig is, minstens 150 mm en die internodiumdeursnee daarvan minstens 5 mm is;

(v) met uitsondering van 'n gekartoneerde plant, daardie plant minstens een loot met 'n minimum lengte van 150 mm het wat, wanneer dit in 'n rustende toestand is, oor minstens twee derdes van die lengte daarvan goed ryp is;

(vi) wanneer gekartoneer, daardie plant minstens een loot met 'n minimum lengte van 100 mm het;

(vii) minstens drie sterk ontwikkelde wortels aan die basis van daardie plant voorkom; en

(viii) geen tekens van die verwydering van wortels dikker as 2 mm in deursnee aan die bostok van daardie plant sigbaar is nie:

Met dien verstande dat hierdie subregulasie nie op sierplante van Vitis spp. van toepassing is nie.

(5) Die bepalings van regulasie 29 is mutatis mutandis van toepassing op die toelaatbare toleransie tussen die vereiste eienskappe van plante in hierdie regulasie vermeld, en die uitslag van 'n toets, ondersoek of ontleding vir elke sodanige eienskap.

31A. Aartappelknolle wat nie gesertifiseer is nie kan sonder 'n magtiging in artikel 13 van die Wet bedoel, verkoop word indien sodanige knolle variëteitseg is.

32.(1) Plante en ander voortplantingsmateriaal as saad, wat gesertifiseer is, kan sonder 'n magtiging in artikel 13 van die Wet bedoel, verkoop word met 'n aanduiding dat dit aldus gesertifiseer is indien -

(a) daardie plante of voortplantingsmateriaal aan die vereistes wat in die betrokke skema daarvoor bepaal is, voldoen, en geëtiketteer en verseël is soos in sodanige skema vereis; en

(b) die verkoper van daardie plante of voortplantingsmateriaal in besit is van skriftelike bewys ter bevestiging van die feit dat daardie plante of voortplantingsmateriaal aldus gesertifiseer is.

(2) Indien die bepalings van subregulasie (1) nie ten opsigte van 'n lot plante of voortplantingsmateriaal wat ingevolge 'n skema gesertifiseer is, nagekom kan word nie, mag geen melding van enige aard voor, tydens of na die verkoop van daardie plante of voortplantingsmateriaal gemaak word van die feit dat dit vir sertifisering aangebied is of aldus gesertifiseer is nie.

(3) Die bepalings van regulasie 29 is mutatis mutandis van toepassing ten opsigte van plante en voortplantingsmateriaal in hierdie regulasie vermeld.

HOUERS VAN VOORTPLANTINGSMATERIAAL

33. 'n Houer waarin -

(i) voortplantingsmateriaal verkoop word, moet heel en skoon wees; en

(ii) 'n plant vir verkoop gevestig is, moet heel wees.

34.(1) 'n Houer waarin voortplantingsmateriaal voorafverpak is, moet by die onderneming waar dit voorafverpak is, verseël word op so 'n wyse dat toegang tot die betrokke voortplantingsmateriaal verkry kan word slegs deur daardie verseëling of die betrokke houer te breek.

(2) Wanneer die verseëling van 'n houer waarin voortplantingsmateriaal voorafverpak is of die betrokke houer om ander redes as monsterneming ingevolge artikel 25 van die Wet gebreek is, word daardie voortplantingsmateriaal nie geag voorafverpak te gewees het nie.

MERK EN ETIKETTERING VAN PLANTE EN VOORTPLANTINGSMATERIAAL

35.(1) Behoudens die bepalings van subregulasie (4) moet 'n plant wat sonder 'n magtiging in artikel 13 van die Wet bedoel, verkoop word, voorsien wees van 'n etiket waarop in duidelike leesbare simbole, letters en syfers aangedui word -

(a) die erkende naam van die soort waartoe daardie plant behoort;

(b) die benaming wat algemeen vir die betrokke variëteit gebruik word, tensy die registrateur ten opsigte van 'n bepaalde soort plant anders bepaal;

(c) in die geval van 'n plant in regulasie 31(2) en (4) vermeld, wat op 'n onderstam of onderstok geënt is, ook die besonderhede in paragrawe (a) en (b) vermeld, ten opsigte van daardie onderstam of onderstok;

(d) die naam en adres van die onderneming waar daardie plant verkoop word of gekweek is: Met dien verstande dat waar daardie plante herverkoop word, die naam en adres van die onderneming waarvandaan dit verkry is, ook, of in plaas daarvan aangedui kan word;

(e) die lotnommer van die lot plante waartoe daardie plant behoort.

(2) Indien 'n plant in subregulasie (1) vermeld, gesertifiseer is, moet die etiket ten opsigte van daardie plant ook -

(a) . . . . .

(b) die nommer van die sertifikaat wat ten opsigte van die betrokke lot uitgereik is, bevat; en

(c) die verdere inligting bevat wat ingevolge die betrokke skema op so 'n etiket moet verskyn.

(3) Die toepaslike inligting in subregulasies (1) en (2) vermeld -

(4) Die bepalings van subregulasie (1) is nie van toepassing nie op die verkoop van plante wat in houers gekweek en op groot skaal direk aan 'n produsent vir kommersiële aanplanting verskaf word: Met dien verstande dat –

(i) sodanige produsent die plante by die kwekery in ontvangs moet neem, of die betrokke kwekery die plante direk by die produsent op sy perseel moet lewer; en

(ii) die inligting in subregulasie (1) bedoel, in 'n begeleidende faktuur aangedui is.

36.(1) 'n Houer waarin saad in regulasies 22 en 24 vermeld, wat nie gesertifiseer of voorafverpak is nie, verkoop word, moet in duidelik leesbare simbole, letters en syfers gemerk wees met, of voorsien wees van 'n etiket waarop insgelyks aangedui word -

(2) Benewens die inligting in subregulasie (1) vermeld -

(a) moet die bewoording op 'n houer waarin saad verkoop word of op 'n etiket wat aan so 'n houer geheg is, voldoen aan die vereistes betreffende saad, soos voorgeskryf ingevolge die Wet op Misstowwe, Veevoedsel, Landboumiddels en Veemiddels, 1947 (Wet No. 36 van 1947), die Wet op die Beheer van Medisyne en Verwante Stowwe, 1965 (Wet No. 101 van 1965), Wet op Voedingsmiddels, Skoonheidsmiddels en Ontsmettingsmiddels, 1972 (Wet No. 54 van 1972), en die Wet op Gevaarhoudende Stowwe, 1973 (Wet No. 15 van 1973);

(b) moet die woord "Bestuiwer" of die woord "Pollinator", gevolg deur die werklike persentasie-inhoud, bereken op 'n massabasis, van die saad van daardie bestuiwer, ook op 'n houer waarin saad verkoop word of op 'n etiket wat aan so 'n houer geheg is, aangedui word indien saad van 'n bestuiwer in die betrokke saad teenwoordig is;

(c) behoudens die bepalings van subregulasie (a) van regulasie 22, die woorde "Persentasie suiwersaad" gevolg deur die werklike persentasie suiwersaad van daardie saad, indien die persentasie suiwersaad van daardie saad 97 of minder is;

(d) moet die aantal suiwer eenhede omhulde saad per massa-eenheid ook in die geval van omhulde saad aangedui word op 'n houer waarin saad verkoop word, of op 'n etiket wat aan so 'n houer geheg is; en

(e) mag die woord "Baster" of die woord "Hybrid" op 'n houer waarin saad verkoop word, of op 'n etiket wat aan so 'n houer geheg is, aangedui word slegs indien die saad in daardie houer uit minstens 90 persent bastersaad van die betrokke variëteit bestaan.

 

36A. 'n Houer waarin aartappelknolle wat nie gesertifiseer is nie, verkoop word, moet in duidelik leesbare simbole, letters en syfers gemerk wees met, of voorsien wees van 'n etiket waarop insgelyks aangedui word -

(a) die naam, soos in 'n kennisgewing kragtens artikel 2 van die Wet aangedui, van die betrokke soort plant;

(b) die benaming van die variëteit waartoe daardie knolle behoort, op die wyse ingevolge artikel 13(1)(a) en (b) van die Wet vereis; en

(c) die naam en adres van die verkoper waar die knolle verkoop word: Met dien verstande dat waar die knolle herverkoop word, die naam en adres van die verkoper waarvandaan dit verkry is, ook, of in plaas daarvan, aangedui kan word.

37. 'n Houer waarin 'n saadmengsel in regulasie 23 bedoel, wat nie voorafverpak is nie, verkoop word, moet in duidelik leesbare simbole, letters en syfers gemerk wees met, of voorsien wees van 'n etiket waarop insgelyks aangedui word -

(a) die woord "Mengsel" of die woord "Mixture", gevolg deur die besonderhede in regulasie 36(1)(a) en (b) vermeld ten opsigte van elkeen van die soorte en variëteite wat in daardie mengsel teenwoordig is;

(b) die werklike persentasie-inhoud, bereken op 'n massabasis, van elkeen van die soorte en variëteite wat in daardie mengsel teenwoordig is;

(c) die lotnommer van daardie saad;

(d) die persentasie ontkieming of lewenskragtigheid, waar van toepassing, uitgedruk op die wyse in regulasie 36(1)(d) aangedui, van elkeen van sodanige soorte en variëteite wat in daardie mengsel teenwoordig is;

(e) die naam en adres van die onderneming waar daardie saad verkoop word: Met dien verstande dat waar daardie saad herverkoop word, die naam en adres van die onderneming waarvandaan dit verkry is, ook, of in plaas daarvan, aangedui kan word; en

(f) behoudens die bepalings van subregulasie (a) van regulasie 22, die woorde "Persentasie suiwersaad" gevolg deur die werklike persentasie suiwersaad van elkeen van sodanige soorte en variëteite wat in daardie mengsel teenwoordig is, indien die persentasie suiwersaad van daardie saad 97 of minder is.

38.(1) 'n Houer waarin saad in regulasie 25 vermeld, wat voorafverpak is, verkoop word, moet in duidelik leesbare simbole, letters en syfers gemerk wees met, of voorsien wees van 'n etiket waarop insgelyks aangedui word -

(a) die besonderhede in regulasie 36(1)(a), (b) en (c) en (2)(a), (b) en (e) vermeld;

(b) die naam en adres van die onderneming waar daardie saad voorafverpak is; en

(c) die woorde "Voorafverpakte Saad" of die woorde "Prepacked Seed" indien die netto massa van die saad in die betrokke houer meer is as die massa aangedui in kolom 10 van Tabel 4 of indien die aantal sade in die betrokke houer meer is as die aantal sade aangedui in kolom 11 van Tabel 4 teenoor die naam van die betrokke soort plant.

(2) Behoudens die bepalings van subregulasie (1) kan 'n aanduiding betreffende persentasie ontkieming, persentasie lewenskragtigheid of werklike persentasie suiwersaad op die houer waarin voorafverpakte saad verkoop word, of op die etiket wat aan so 'n houer geheg is, verskyn: Met dien verstande dat die datum waarop die betrokke saad getoets is in duidelike leesbare letters op die houer of op die etiket aangebring word.

(3) Indien sodanige saad gesertifiseer is, moet die woorde "Suid-Afrikaanse Gesertifiseerde Saad" of "South African Certified Seed" en die nommer van die sertifikaat wat ten opsigte van die voortplantingsmateriaal in die betrokke lot uitgereik is, verstrek word indien die netto massa van die saad in die betrokke houer meer is as die massa aangedui in kolom 10 van Tabel 4 of indien die aantal sade in die betrokke houer meer is as die aantal sade aangedui in kolom 11 van Tabel 4 teenoor die naam van die betrokke soort plant.

39.(1) 'n Houer waarin saad wat gesertifiseer is, verkoop word, moet in duidelik leesbare simbole, letters en syfers gemerk wees met, of voorsien wees van 'n etiket waarop insgelyks aangedui word -

(a) behoudens die bepalings van subregulasie (2), die toepaslike besonderhede wat ingevolge regulasie 36 vereis word ten opsigte van saad wat nie gesertifiseer is nie;

(b) die nommer van die sertifikaat wat ten opsigte van die betrokke lot uitgereik is; en

(c) die verdere inligting wat, ingevolge die betrokke skema, vereis word om op so 'n houer of etiket aangedui te word.

(2) Nieteenstaande die bepalings van paragraaf (a) van subregulasie (1) word die aanduiding van die ontkiemingsgroep of lewenskragtigheidsgroep, waar van toepassing, soos bedoel in paragraaf (d) van regulasie 36(1), nie op die houers van gesertifiseerde mieliesaad vereis nie.

39A. 'n Houer waarin aartappelknolle wat gesertifiseer is, verkoop word, moet in duidelik leesbare simbole, letters en syfers gemerk wees met, of voorsien wees van 'n etiket waarop insgelyks aangedui word -

(a) die toepaslike besonderhede wat ingevolge regulasie 36A vereis word ten opsigte van aartappelknolle wat nie gesertifiseer is nie;

(b) die nommer van die sertifikaat wat ten opsigte van die betrokke lot uitgereik is; en

(c) die verdere inligting wat ingevolge die betrokke skema vereis word om op so 'n houer of etiket aangedui te word.

40. Behalwe waar die registrateur anders bepaal, mag geen kenmerk, naam, ontwerp, illustrasie, aanduiding of besonderhede op 'n houer waarin 'n plant of voortplantingsmateriaal verkoop word, of op 'n etiket wat aan so 'n plant of houer geheg is, verskyn nie -

(a) tensy dit ingevolge hierdie regulasies of, in die geval van 'n plant of voortplantingsmateriaal wat gesertifiseer is, die betrokke skema, daarop aangedui moet word;

(b) tensy dit ingevolge die een of ander wet daarop moet of kan verskyn; of

(c) tensy dit betrekking het op die betrokke plant of voortplantingsmateriaal, of die produsent daarvan of die onderneming waar dit skoongemaak of verkoop is.

 

INVOER EN UITVOER VAN PLANTE EN VOORTPLANTINGSMATERIAAL

41. Saad van 'n soort plant in kolom 1 van Tabel 4 vermeld, wat in die Republiek ingevoer word, moet -

41A. Aartappelknolle wat in die Republiek ingevoer word, moet variëteitseg wees.

41B. Aarbeiplante wat in die Republiek ingevoer word, moet variëteitseg wees.

42. Die bepalings van regulasie 36(1)(a), (b) en (c) en (2)(b), (d) en (e) is mutatis mutandis van toepassing op die besonderhede wat op 'n houer waarin saad in die Republiek ingevoer word, of op 'n etiket wat aan so 'n houer geheg is, moet verskyn: Met dien verstande dat die naam en adres van die onderneming waar daardie saad verkoop word, nie vereis word nie.

42A. 'n Houer waarin aartappelknolle in die Republiek ingevoer word, moet in duidelik leesbare simbole, letters en syfers gemerk wees met, of voorsien wees van 'n etiket waarop insgelyks aangedui word -

(a) die naam, soos in 'n kennisgewing kragtens artikel 2 van die Wet aangedui, van die betrokke soort plant;

(b) die benaming van die variëteit waartoe daardie knolle behoort, op die wyse ingevolge artikel 3(1)(a) en (b) van die Wet vereis; en

(c) die naam en adres van die persoon wat daardie knolle ingevoer het.

42B. 'n Houer waarin aarbeiplante in die Republiek ingevoer word, moet in duidelik leesbare simbole, letters en syfers gemerk wees met, of voorsien wees van, 'n etiket waarop insgelyks aangedui word -

(a) die naam, soos in 'n kennisgewing kragtens artikel 2 van die Wet aangedui, van die betrokke soort plant;

(b) die benaming van die variëteit waartoe daardie plante behoort, op die wyse ingevolge artikel 13(1)(a) en (b) van die Wet vereis; en

(c) die naam en adres van die persoon wat daardie plante ingevoer het.

43. Tensy die registrateur ingevolge artikel 26(1)(d) van die Wet op aansoek ten opsigte van 'n besondere besending saad anders bepaal, is die plekke in kolom 1 van Tabel 5 aangedui, plekke van binnekoms waardeur saad in die Republiek ingevoer mag word.

44.(1) 'n Verklaring betreffende elke besending plant en voortplantingsmateriaal wat vir onmiddellike uitvoer of vir ander doeleindes as die verbouing daarvan in die Republiek ingevoer word, moet voor of by die aankoms daarvan in die Republiek deur die persoon wat daardie plant en voortplantingsmateriaal invoer, in die vorm in Bylae L uiteengesit, ingedien word.

(2) So 'n vorm ten opsigte van 'n besending plant en voortplantingsmateriaal wat ingevoer word, moet gepos word aan of afgelewer word by die adres in kolom 2 van Tabel 5 vermeld.

(3) 'n Besending plant en voortplantingsmateriaal mag van die plek van binnekoms daarvan verwyder word slegs nadat 'n verklaring in subregulasie (1) bedoel, ten opsigte daarvan by die adres in subregulasie (2) bedoel, ontvang is.

45.(1) 'n Saad wat in die Republiek ingevoer word of wat vir uitvoer bestem is, moet vir ondersoek en monsterneming aangebied word op so 'n wyse dat -

(a) toegang tot die betrokke saad geredelik verkry kan word; en

(b) al die merke, drukwerk of skryfwerk op die houers van die betrokke saad of op etikette wat aan sodanige houers geheg is, geredelik gelees kan word.

(2) Saad word slegs gedurende kantoorure ondersoek en bemonster.

(3) Wanneer 'n inspeksie van saad ten opsigte waarvan 'n aansoek ingevolge subregulasie 45A(1) gedoen is, onderneem word of monsters van sodanige saad getoets, ondersoek of ontleed word, moet die betrokke aansoeker die toepaslike gelde in items 1(b) en 1(e) van Tabel 1 aangedui, betaal.

45A.(1) Behoudens die bepalings van subregulasie (3), moet 'n aansoek om 'n sertifikaat wat die uitvoer van saad magtig, op die vorm wat vir die doel by die Registrateur verkrygbaar is, ingedien word.

(2) 'n Aansoek moet aldus in duplikaat ten opsigte van elke afsonderlike besending saad ingedien word, en elke sodanige aansoek moet -

(a) vergesel gaan van die aansoekgeld in item 1(a) van Tabel 1; en

(b) die registrateur minstens 10 dae voor die beoogde datum waarop die betrokke saad uitgevoer sal word, bereik.

(3) Die bepalings van artikel 27(1) van die Wet is nie van toepassing op die uitvoer van saad waarvan die massa per soort en variëteit nie 50 kg oorskry nie.

46. . . . . .

47. Indien -

(a) toegang tot 'n lot saad by 'n plek of perseel nie geredelik verkry kan word deur 'n beampte wat 'n monster van daardie saad vereis nie; of

(b) die beligting by 'n plek of perseel waar saad bemonster word, nie voldoende is om 'n beampte wat 'n monster van daardie saad verlang, in staat te stel om die merke, drukwerk of skryfwerk op die houers van die betrokke saad of op etikette wat aan sodanige houers geheg is, geredelik te lees nie,

moet die persoon wat in beheer van die betrokke plek of perseel of, in die geval van saad wat ingevoer is of uitgevoer word, die invoerder of uitvoerder daarvan of sy agent, alle redelike hulp wat die betrokke beampte verlang, verleen ten einde hom in staat te stel om die verlangde monster te neem en die betrokke saad te identifiseer.

48.(1) 'n Sertifikaat kragtens artikel 25(3)(b) van die Wet ten opsigte van die monsterneming van 'n lot saad moet in die vorm in Bylae G uiteengesit, ingevul word.

(2) Die uitslag van 'n toets, ondersoek of ontleding wat kragtens artikel 25(3)(d) van die Wet met die monster van 'n lot saad uitgevoer is, moet in die vorm in Bylae H uiteengesit, aangeteken word.

ONDERSOEK EN MONSTERNEMING VAN PLANTE EN

VOORPLANTINGSMATERIAAL UITGESONDERD SAAD

49. . . . . .

50. Die bepalings van regulasie 47 is mutatis mutandis van toepassing op die verlening van redelike hulp wat 'n beampte verlang ten einde hom in staat te stel om 'n monster van plante of ander voortplantingsmateriaal as saad te neem en die betrokke plante of voortplantingsmateriaal te identifiseer.

51.(1) 'n Sertifikaat kragtens artikel 25(3)(b) van die Wet ten opsigte van die monsterneming van 'n lot plante of ander voortplantingsmateriaal as saad moet in die vorm in Bylae I uiteengesit, ingevul word.

(2) Die uitslag van 'n toets, ondersoek of ontleding wat kragtens artikel 25(3)(d) van die Wet met die monster van 'n lot plante of ander voortplantingsmateriaal as saad uitgevoer is, moet in die vorm in Bylae J uiteengesit, aangeteken word.

ALGEMEEN

52.(1) Die bedrag in item 4(a) van Tabel 1 aangedui, is betaalbaar deur iemand wat insae verlang in 'n dokument wat ingevolge die Wet by die registrateur ingedien is en wat, na die oordeel van die registrateur, ter insae van die publiek kan wees.

(2) Iemand wat 'n afskrif van 'n dokument in subregulasie (1) bedoel, verlang, moet in die vorm in Bylae K uiteengesit, daarom aansoek doen.

(3) So 'n aansoek moet van die aansoekgeld in item 4(b) van Tabel 1 aangedui, vergesel gaan.

53.(1) 'n Appèl ingevolge artikel 32 van die Wet moet -

(a) skriftelik by die Direkteur-generaal: Landbou, ingedien word binne 60 dae na die datum waarop die registrateur iemand in daardie artikel bedoel, skriftelik van die betrokke beslissing of stappe kennis gegee het;

(b) die verwysingsnommer en datum van die geskrif deur middel waarvan sodanige persoon van daardie beslissing of stappe kennis gegee is, vermeld;

(c) die gronde aandui waarop die appèl gebaseer is; en

(d) van die geld in item 4(c) van Tabel 1 aangedui, vergesel gaan.

(2) 'n Appèl moet -

(a) wanneer per pos gestuur, geadresseer wees aan die Direkteur-generaal: Landbou, Privaatsak X250, Pretoria, 0001; of

(b) wanneer per hand afgelewer, afgelewer word by die Adjunk-direkteur-generaal, Direktoraat: Landbou-administarsie, Dirk Uysgebou, Hamiltonstraat, Pretoria.

53A. . . . . .

54.(1) Enige gelde wat ingevolge hierdie regulasies betaalbaar is, moet per tjek, posorder of poswissel wat ten gunste van die Direkteur-generaal: Landbou, uitgemaak is, betaal word: Met dien

verstande dat indien sodanige geld per hand afgelewer word, dit in kontant betaal kan word.

(2) Behoudens die bepalings van artikel 32(11) van die Wet is gelde wat ingevolge hierdie regulasies betaal is, nie terugbetaalbaar nie.

55.(1) Posgeld op en afleweringskoste van enige aansoek, dokument en appèl wat ingevolge hierdie regulasies ingedien word, asook op of van enigiets in verband daarmee, is vooruitbetaalbaar.

(2) Enige sodanige aansoek en dokument, uitgesonderd 'n appèl in regulasie 53 vermeld, moet by die registrateur ingedien word en -

(a) wanneer per pos gestuur, geadresseer wees aan -

Die Registrateur van Plantverbetering
Privaatsak X258
PRETORIA
0001;

of

(b) wanneer per hand afgelewer, afgelewer word by die Registrateur van Plantverbetering, Direktoraat: Plant- en Gehaltebeheer, Dirk Uysgebou, Hamiltonstraat, Pretoria.

56.(1) Die vorms in Bylaes D en K uiteengesit, moet op papier van A4-grootte uiteengesit word soos daarin aangetoon, en moet 'n kantruimte van 30 mm aan die linkerkant hê.

(2) Sodanige vorms moet verskaf word deur iemand van wie vereis word om dit te gebruik.

(3) . . . . .

(4) Die vorm in subregulasie (1) vermeld, asook alle ander dokumente en afskrifte van dokumente wat ingevolge die Wet en hierdie regulasies ingedien word, asook aantekeninge wat aldus gehou moet word, moet, tensy die registrateur of die Direkteur-generaal: Landbou, na gelang van die geval, anders gelas, geskryf, getik of gedruk wees -

57. Iemand wat enige bepaling of vereiste van hierdie regulasies oortree of versuim om daaraan te voldoen, is aan 'n misdryf skuldig en by skuldigbevinding strafbaar met 'n boete van hoogstens tweehonderd rand of gevangenisstraf van hoogstens ses maande.